இசை: ஜி.கே.வெங்கடேஷ்
குரல்: எஸ்.பி.பி.
பாடல்: புலமைப்பித்தன்
என் தலைவி இருக்கும் இடம் தேடுங்கள்
ஆத்மாவின் தாகங்கள்
பாரென்று சொல்லுங்கள்
மேகங்களே இங்கு வாருங்களேன்
ஏழு ஜென்மமும் தொடர்ந்து வரும் சொந்தமோ
நான்கு நாளிலே மறந்து விடும் பந்தமோ
ஏனிந்த மாற்றங்கள்
கேட்டிங்கு வாருங்கள்
மேகங்களே இங்கு வாருங்களேன்
காதல் நெஞ்சினில் நினைவிழந்து போனதோ
பார்க்கும் கண்களில் திரை விழுந்து போனதோ
தூங்காத கண்ணிங்கே
நான் தேடும் பெண்ணெங்கே
மேகங்களே இங்கு வாருங்களேன்
காதல் என்பதோர் கவியெழுதி பாடினேன்
காலம் வந்தது கதை முடிந்து போகிறேன்
நாளைக்கு சந்திப்போம்
ஆகாய சொர்கத்தில்
மேகங்களே இங்கு வாருங்களேன்
No comments:
Post a Comment