படம்: தம்பி
இசை: வித்யாசாகர்
குரல்: ஹரிணி, உன்னிகிருஷ்ணன்
பாடல்: வைரமுத்து
சுடும் நிலவு சுடாத சூரியன்
ஓடும் நிமிஷம் உறையும் வருஷம்
எல்லாம் எல்லாம்
எல்லாம் வேண்டுமா?
காதலித்துப்பார்.. காதலித்துப்பார்!!
இமையடித்தாலும் இதயம் வலிக்கும்
வலிகளில் கூட வாசனை இருக்கும்
நரம்புக்கு நடுவே நதிகள் நகரும்
நதியிருந்தாலும் நாவே உலரும்
தப்பு எல்லாம் கடிதமாகும்
தவறு எல்லாம் புனிதமாகும்
பச்சைத்தண்ணீர் வெப்பமாகும்
எச்சில் பண்டம் அமுதமாகும்
நான்கு உதடு பேசும் வார்த்தை முத்தமாகும்
சுடும் நிலவு சுடாத சூரியன்
ஓடும் நிமிஷம் உறையும் வருஷம்..
மழைத்துளி நமக்கு சமுத்திரமாகும்
சமுத்திரம் எல்லாம் துளியாய்ப்போகும்
சத்தியக்காதல் என்னவும் செய்யும்
சந்திர ஒளியை ஆடையாய் நெய்யும்
தொட்ட பாகம் மோக்ஷமாகும்
மற்ற பாகம் காய்ச்சலாகும்
தெய்வம் தேய்ந்து மிருகமாகும்
மிருகம் தூங்கி தெய்வமாகும்
தேடல் ஒன்றே வாழ்க்கை என்று தெரிந்து போகும்
சுடும் நிலவு சுடாத சூரியன்
ஓடும் நிமிஷம் உறையும் வருஷம்
எல்லாம் எல்லாம்
எல்லாம் வேண்டுமா?
காதலித்துப்பார்.. காதலித்துப்பார்!!
